Imbes ang running mate ng anak
MANILA, Philippines — Nagulat lahat ng mga botante sa lungsod ng Parañaque matapos pormal na inendorso ni dating Parañaque City Mayor Joey Marquez ang Team Bagong Parañaque (TBP) sa pangunguna ni incumbent Mayor Edwin Olivarez sa darating na halalan ngayong Mayo 13.
Sa political rally ng TBP sa Brgy. BF nitong weekend, itinaas ni Marquez ang kamay ni Olivarez matapos ang kanyang talumpati imbes na si dating Mayor Florencio Bernabe, kandidato sa ilalim ng Lakas-NUCD.
Ang anak ni Marquez na si Jeremy ay running mate ni Bernabe ngayong halalan. Si Jeremy ay dating barangay chairman ng BF at ang kanyang katunggali ngayong halalan ay si incumbent Vice Mayor Rico Golez.
Tumaas din ang acceptance ni Olivarez sa mga surveys matapos siyang inendorso ng mga miyembro ng local chamber of commerce, grupo ng professionals at mga kilalang political kingpin sa lungsod tulad ng mga Tambunting, Golez, Ferrer, Sotto at Benzon.