MANILA, Philippines — Halos ma-trauma ang apat na binatilyo na pawang mga grade 8 at 9 students matapos silang utusang bumili ng droga at ipagamit sa kanila saka molestiyahin ng pangulo ng isang asosasyon ng persons with disabilities (PWDs) noong Lunes sa Parañaque City.
Nakakulong na ngayon sa Parañaque City Police detention facility at nahaharap sa kasong sexual abuse ang suspect na si Nelson Balmores, 31, at nakatira sa Gk El Dorado Dulo, Brgy. Don Bosco ng nabanggit na siyudad.
Sa salaysay sa mga pulis ng mga biktima, inutusan umano silang apat ng suspect na bumili ng droga at sapilitan itong ipinagamit sa kanila.
Pagkatapos ay pinaglaruan umano ng suspect ang kanilang ari at saka na pinagbantaan na papatayin sila kapag nagsumbong sa kanilang mga magulang.
Dahil sa sinapit ay ipinagtapat ng mga binatilyo sa kanilang mga magulang ang nangyari na nagharap nang sumbong sa pulisya.
Sa follow-up operation ng mga kagawad ng Parañaque City Police, dinakip nila ang suspect na si Balmores.