Big time price hike sa LPG, oil products nagbabadya
MANILA, Philippines — Sa unang araw ng buwan ng Marso ay posibleng ipatupad ng mga kompanya ng langis ang malaking pagtaas sa presyo sa Liquified Petroleum Gas (LPG).
Sa pagtaya ng mga oil companies, posibleng madagdagan ng P1.00 hanggang P2.00 ang kada kilo ng LPG sa susunod na linggo.
Hindi pa naman naglabas ng anunsiyo, na posibilidad na magtaas din ng presyo ang auto-lpg na ginagamit ng mga taxi.
Nabatid, na huling nagtaas sa presyo ng LPG ay noong Pebrero 1 ng taong kasalukuyan.
Maging sa mga produktong petrolyo ay nagbabadya din ng malaking pagtataas sa susunod na linggo.
Inaasahan ang pagtaas ng mahigit sa P1 sa kada litro ng gasoline, kerosene at diesel.
Ayon sa Department of Energy (DOE) ang nakaambang oil price hike ay bunsod ng paggalaw ng presyuhan nito sa pangdaigdigang pamilihan.
Huling nagtaas sa presyo ng mga produktong petrolyo noong Pebrero 19.
- Latest
