‘Courtesy seating’ sa mga buntis, PWDs at senior citizens sa Quezon City
MANILA, Philippines — Papatawan ng parusa ng Quezon City government ang mga establisimento na walang inilaang ‘courtesy seating’ sa mga buntis, person with disabilities at senior citizens sa ilalim ng bagong pasang ordinansa.
Pinirmahan na ni Mayor Herbert Bautista ang Ordinance No. SP-2804 na nag-aatas sa lahat ng pribado at pampublikong establisimento sa lungsod na magkaloob ng ‘courtesy seats’ sa mga nabanggit na sektor.
Kailangan ding malagyan ang lugar ng courtesy seat signage.
Ang mga lalabag sa ordinansa ay bibigyang babala sa unang pagkakataon, sa pangalawang paglabag ay pagmumultahin na ang mga ito ng P5,000 at suspensyon ng business permit sa loob ng anim na buwan at sa ikatlong paglabag ay multang 5,000 at revocation ng business permit.
Ang implementing rules at regulations ng ordinansa ay iisyu sa loob ng 30 araw ng Social Services Development Department, Person with Disablity Affairs Office, Office for Senior Citizens Affairs at Business Permits Licensing Office.
- Latest