MANILA, Philippines — Lumaya noong nakaraang Pasko ang nasa 40 bilanggo sa New Bilibid Prison (NBP) sa Muntinlupa City.
Ito ay matapos na mabigyan ng parole ng Bureau of Pardons and Parole (BPP) ng Department of Justice (DOJ).
Bukod sa napagsilbihan na ng mga ito ang parusa sa loob ng bilangguan, bumase rin ang kanilang paglaya sa kanilang magandang record.
Sabi ni Adelino Suyu, Jr., Chief Probation and Parole Officer ng Bureau of Corrections (BuCor), bawat bilanggo na lumaya at binigyan ng parole ay sumailalim muna sa briefing at documentation.
Kabilang sa mga patakaran na dapat nilang sundin ay regular na pagre-report sa kanilang local parole officer at pag-iwas sa bisyo.
Ayon sa BuCor, inihahanda rin nila ang mga inmates na lumaya sa magiging buhay sa labas sa pamamagitan ng livelihood training, moral, social at religious programs
Umaasa ang BuCor, na maitutuwid na ng mga lumayang bilanggo ang kanilang mga pagkakamali at magiging produktibong miyembro ulit ng lipunan.