Mga preso at jailguard sa QC Jail,isinailalim sa drug test
MANILA, Philippines — Isinailalim sa drug test ang mga preso at jailguard sa Quezon City Jail kahapon.
Pinangunahan ni Quezon City Jail Warden Supt. Ermilito Moral ang ikinasang drug-test katuwang ang Philippine Drug Enforcement Agency (PDEA).
Kabuuang 170 jailguards and personnel ang sumailalim sa drug test at 900 preso.
Ayon kay Moral, ang pagsasailalim nila sa drug test ay bilang tugon sa direktiba ng pamunuan ng Bureau of Jail Management and Penology (BJMP) at matiyak na walang gumagamit ng iligal na droga sa nasabing piitan.
Dakong alas-10:00 ng umaga ay sinimulan ang drug testing sa mga BJMP personnels at mga preso sa QC jail na isinagawa ng sampung chemist na ipinadala ng pamunuan ng PDEA sa nasabing piitan.
Sinabi ni Moral, kung sakaling may magpositibo sa kanyang mga tauhan sa droga sa unang pagkakataon ay muli itong isasailalim sa ikalawang drug test para sa confirmation.
Kumpiyansa si Moral na malinis ang kanyang mga opisyal at tauhan maging ang mga bilanggo dahil sa tuwing nagsasagawa ng greyhound operation sa QC Jail, kasama ang mga operatiba ng Quezon City Police District (QCPD) at PDEA ay walang droga na nakukumpiska sa mga detainees sa kulungan.
- Latest