Mister inutas ni misis
MANILA, Philippines — Sinaksak at napatay ang isang mister ng kanyang sariling misis matapos ang mainitang pagtatalo sa loob ng kanilang bahay sa Quezon City kahapon.
Nakilala ang nasawi na si Rannie Tomas, 47, na nagtamo ng saksak sa kanang dibdib.
Pinaghahanap naman ang kanyang misis na tumakas matapos ang isinagawang krimen na nakilalang si Marynor Tomas.
Ayon sa pulisya, naganap ang insidente dakong ala-1:40 ng madaling araw nang unang marinig ang pagsisigawan at pag-aaway ng mag-asawa.
Sa gitna ng mainitang komprontasyon, nagawang saksakin ng misis ang kanyang mister saka mabilis na tumakas.
Patuloy pa rin ang isinasagawang imbestigasyon sa insidente gayundin ang pagtugis sa suspect na misis.
- Latest