Sunog sa Maynila: 50 pamilya nawalan ng tahanan
MANILA, Philippines — Nasa 50 pamilya ang nawalan ng tahanan matapos na matupok ng apoy ang 15 kabahayan sa naganap na sunog sa Sta. Cruz, Maynila, kamaka lawa ng gabi.
Sinabi ni Fire Senior Inspector Reden Alumno ng Manila Fire Department, pasado alas-10:00 ng gabi nang magsimula ang sunog sa ika-3 palapag ng bahay na may kalumaan na at yari lang sa light materials sa No. 1281 Interior 35 Tambunting St., Sta Cruz, Maynila.
Hawak ng Arson Investigation Section ang isang Leo Sarmiento alyas “Kembo”, binata, na siyang iniimbestigahan kaugnay sa sunog na nagmula sa kanilang tahanan sa ikalawang palapag.
Nabatid na hindi pa umuuwi ang ama ni Leo na si Buboy Sarmiento, hiwalay sa asawa, habang ang mga menor-de-edad naman ay nasa labas nang masunog ang kanilang bahay.
Walang kuryente ang nasabing bahay dahil wala umanong pambayad sa “E-Load ng Meralco” kaya kandila ang nagsilbing liwanag ng kanilang bahay subalit iniwan ito nang walang bantay at natumba sa tabi ng lumang kutson.
- Latest
