Taas presyo uli sa petrolyo, nakaamba

MANILA, Philippines — Hindi pa man nakakaahon sa nakaraang  big time oil price hike, sa darating na linggo ay napipinto na namang magtaas ng kanilang produkto ang mga kompanya ng langis.

Ayon sa source sa oil industry, naglalaro sa P0.70 hanggang  P0.75 ang idadagdag na presyo sa kada litro ng gasolina, samantalang sa diesel ay naglalaro naman sa  P0.40 hanggang P0.45 ang itataas  kada litro.

Matatandaan, na nitong nakaraang Martes, Mayo 22 ng taong kasalukuyan ay nagpatupad ng big time oil price hike  ang mga kompanya ng langis.

Kung saan tumaas ng P1.60 kada litro ang gasolina, P1.15 kada litro sa diesel, at P1.00 kada litro sa kerosene.

Dahil dito ay umaaray na ang publiko partikular ang transport at labor group.