MANILA, Philippines — Naglaan ang isang non-govermental organization na Philippine Alliance for Recycling and Materials Sustainability (PARMS) ng P25 milyong halaga para makapag patayo ng isang recycling facility ng plastic sachets sa Metro Manila.
Ang PARMS ay isang environmental coalition ng mga pangunahing consumer goods companies sa bansa.
Ayon sa PARMS, ang pasilidad ay kapapalooban ng bagong teknolohiya na magpo-proseso ng mahigit 150 metric tons ng basura kada taon para maging pallets, school chairs at iba pang produktong mula sa plastic.
Binigyang diin ng naturang grupo na ang hakbang ay bahagi ng kanilang kampanya na maibsan ang mga post-consumer waste na nagdudulot ng epekto sa kapaligiran, laluna sa mga waterways.
Ang hakbang ay isasagawa matapos ang paglagda sa isang kasunduan na dinaluhan ni DENR Undersecretary for Solid Waste Management Atty. Noel Felongco.
Suportado rin ng PARMS ang National Solid Waste Management Commission (NSWMC) na nangangasiwa sa pagpapatupad ng solid waste management plans sa mga end-users at local governments.