MANILA, Philippines - Isang binatilyo ang nasawi nang sumiklab ang isang sunog sa Isla Puting Bato sa Tondo, Maynila.
Ayon kay Chief Inspector Marvin Carbonel, hepe ng Operations Division ng Manila Fire District, hindi na makilala pa ang biktimang si Froilan dela Cruz, 15, dahil sa tindi ng pinsalang inabot ng kanyang katawan.
Partikular na sumiklab ang sunog sa 54 Purok 1 Bungad, Isla Puting Bato sa bahay na pagmamay-ari ni Amie Dela Cruz at inookupahan ng pamilya Dela Cruz.
Umabot ng ikalimang alarma ang sunog na nagsimula alas-11 ng tanghali .
Ayon kay Carbonel, sumingaw na tangke ng LPG ang dahilan sa pagsiklab ng sunog.
Umaabot sa 30 bahay ang nasunog at 70 pamilya ang naapektuhan habang nasa P250,000 naman ang pinsala sa mga ari-arian.