MANILA, Philippines - Tahasang sinabi ni Manila Mayor Joseph Estrada na hindi siya na may intensyon mag-deklara ng Martial Law si Pangulong Rodrigo Duterte.
Ayon kay Estrada, posibleng panakot lamang ni Duterte ang kanyang mga pahayag na martial law dahil matagumpay naman ang kampanya nito laban sa illegal drugs.
Nang tanungin kung suportado niya si Duterte sa pagdedeklara ng martial law kung sakali, sagot ni Estrada: “Well, it depends, you know, we cannot control this…his all-out war against drugs. There’s no…if martial law is the only solution.”
Maging ang mga alkalde ng iba’t ibang lungsod ay suportado ang kampanya ni Digong.
Ayon pa kay Estrada, dapat ay pagbigyan ng publiko ang hiling ni Duterte na bigyan pa siya ng sapat na panahon upang tuluyang maalis ang droga sa bansa na aniya’y kayang-kayang gawin ng Pangulo sa loob lang ng isang taon.
Nilinaw naman ni Duterte kamakailan na wala siyang planong magpatupad ng martial law sa bansa ngunit gagawin niya kung tala-gang kinakailangan.