MANILA, Philippines - ‘Surprise’ clearing operations ang kailangan sa Maynila.
Ito naman ang binigyan diin ni Richard Espiritu, deputy for operations ng Manila Traffic and Parking Bureau (MTPB) kung saan nagsimula na silang manghatak ng mga sasakyang illegally park sa Onyx at San Andres St. sa Maynila.
Ayon kay Espiritu, kailangan nilang gawing ‘surprise’ operasyon upang matukoy kung sino ang tunay na pasaway sa lugar.
Paliwanag ni Espiritu na hindi maaaring magparking ang anumang uri ng sasakyan sa kahabaan ng Onyx at San Andres dahil nagsisilbi itong alternate route ng mga sasakyan na magmumula sa Makati.
Aniya, masyado ring maliit ang kalsada upang paradahan pa ng mga pampubliko at pribadong sasakyan.
Maging ang mga pasaway na mga tricycle at pedicab ay minomonitor na rin ng Manila Tricycle Regulatory Office na isa sa mga dahilan ng pagsisikip ng daloy ng mga sasakyan.
Ilang mga sasakyan din ang nahatak ng MTPB sa kanilang isinagawang operasyon
Isa sa mga reklamong natatanggap ng MTRO ay ang pag-counter ng mga tricycle at pedicab at pagpapark sa mga masisikip na kalsada sa lungsod.