MANILA, Philippines - Patay ang dalawang lalaki matapos pagbabarilin sa may palengke sa Alabang, Muntinlupa City nitong Martes ng gabi.
Kinilala ng pulisya ng Muntinlupa ang mga biktima na sina George Acero at Romeo Dacles.
Nakatayo ang dalawang biktima malapit sa palengke sa Montillano Street nang pagbabarilin ng dalawang lalaking sakay ng motorsiklo mga bandang 6:30 ng gabi.
Binawian ng buhay ang mga biktima habang ginagamot sa Ospital ng Muntinlupa.
Base sa salaysay ng ilang saksi, isa sa mga salarin ay nakasuot ng helmet at ang isa naman ay may suot lamang na sombrero.
Inaalam pa ng mga imbestigador kung nakuhanan ng CCTV camera ang pamamaril sa dalawang biktima.