MANILA, Philippines - Isang babae at isang lalaki ang nadiskubreng kapwa patay sa loob ng bahay ng una sa Parola Compound, Binondo, Maynila, kamakalawa ng hapon.
Kinilala ang mga nasawi na sina Gerly Liongson , 38, residente ng Area-C, Gate 54, Parola Compound, Binondo, Maynila at Emond Lacay, 39, Hermosa st., Gagalangin, Tondo, Maynila, kapwa may asawa.
Wala pang matukoy na suspect sa nasabing krimen matapos madatnan lamang umano ng isang babaeng kustomer ni Liongson sa Natasha product ang mga walang buhay na biktima alas- 4:00 ng hapon kamakaÂlawa sa 2-storey house ni Liongson. Magulo umano ang kabahayan na misÂtulang hinalughog.
Sa ulat ni SPO2 RoÂnald Gallo ng Manila Police District-Homicide Section, nagtungo umano sa bahay ni Liongson ang isang kakilala upang bumili ng Natsha product subalit sa pagpasok pa lamang niya sa sala ay nakita niyang nakasubsob ang pakay, na duguan at ang kasamang lalaki naman ay nakatihaya, duguan din at kapwa walang buhay.
Batay sa nakalap na impormasyon ng mga awtoridad mula sa mga kapitbahay, dakong alas- 4:00 ng hapon nitong Oktubre 30 nang makitang dumating sa nasaÂbing bahay ang dalawang biktima. Dakong alas-10 ng gabi naman ng araw ding iyon ay nakarinig ng magkakasunod na putok ang isa pang kapitbahay.
Wala pang kumpirmadong motibo sa krimen subalit inaalam kung may anggulong love triangle dahil kapwa may-asawa ang dalawang pinaslang.