MANILA, Philippines - Isang sales agent ang nasawi makaraang hatawin ng helmet sa mukha at pagbubugbugin ng dalawang suspect dahil sa umano’y simpleng alitan sa trapiko sa lungsod Quezon, kamaÂkalawa.
Si Vitallano Nierva, 31, ng Lower Sampaguita St., Brgy. Payatas A, sa lungsod, ay nagawa pang maitakbo sa ospital pero idineklara ring dead-on-arrival sanhi ng matiÂtinding sugat na tinamo.
Arestado naman ang mga suspect na sina DioÂnisio Alegria Jr., 41, truck driver; at Gilbert Gucilatar, 20, utility boy.
Nangyari ang insiÂdente sa may kahabaan ng A. Bonifacio Avenue, corner 7th Avenue, Brgy. Pag-ibig ng Nayon, ganap na alas- 5:30 ng hapon.
Ayon sa pahayag ng testigong si Rico Etchon, naglalakad siya sa lugar nang makita niya ang biktima na sakay ng isang tricycle na pang-deliber at hinarang ng mga suspect na sakay ng isang Honda XRM (KM-5311).
Bumaba umano ang backrider na si Gucilatar at hinubad ang suot niyang crash helmet saka ipinalo sa mukha ng biktima, dahilan para mauwi ito sa pagsusuntukan nilang dalawa. Ilang sandali pa, bigla na lang bumuwal ang biktima at nawalan ng malay hanggang sa tuluyang masawi.
Inihahanda na ang kasong isasampa laban sa mga suspect.