MANILA, Philippines - Pinangunahan ni Vice President Jejomar Binay at Quezon City Mayor Herbert Bautista ang ginanap na turn-over ceremony sa may mahigit ng 200 brand-new housing units sa mga benepisyaryo ng QC government’s Bistekville 2 housing project sa Brgy. Kaligayahan sa naturang lunsod na bahagi ng programaÂng pabahay ng lokal na pamahalaan.
Karamihan sa mga housing units ay row houses na may sukat na 28 square meters kada isa kasama na ang isang loft structure. May kabuuang 703 row houses na may loft at 375 housing units na may tatlong palapag o medium rise building ang naturang proyekto.
Kasama sa naturang programa ang pagbibigay sa tatlong medium-rise buildings na kapapalooban ng 27 walk-up housing units upang ma-accommodate ang mga pamilya ng informal settler na nakatira sa mga mapanganib na lugar tulad ng tabing-ilog at estero.
Ang Bistekville 2 ay ikaÂlawa sa unang dalawang socialized in-city housing projects na naitayo para sagutin ang problema sa mga squatters sa lungsod.
Nais ni Mayor BauÂtista na makapagpatayo ng 3,000 units kada taon na may halagang P1.2 billion simula ngayong taon.
Kasama sa mga benepisyaryo ng pabahay na ito ay mga guro at mga pulis sa lungsod, informal settler families na naapektuhan ng demolisyon sa may TullaÂhan river.
Umaabot na sa 379 housing beneficiaries ang nakinabang sa Bistekville II mula nang simulan ang proyekto noong September 2012.