Dear Dr. Love,
Nagpasya akong lumiham sa inyo dahil wala na akong madulugan ng aking problema sa asawa.
Tawagin mo na lang akong Loida, 40 anyos at sa kasamaang-palad ay nakapag-asawa ng isang lalaking brutal. Dalawang taon pa lang kaming kasal nang mabiyuda ako, tatlong taon na ang nakararaan. Bata sa akin ang asawa ko ngayon ng anim na taon.
Akala ko ay magkakaroon ako ng pangalawang langit sa piling niya, hindi pala. Madalas ang mga pagkakataon na kung gusto niyang makipag-sex ay ginugulpi muna ako. Hindi ko maintindihan kung bakit. Hindi naman ako tumututol sa gusto niya at hindi niya ako kailangang saktan.
Gusto ko na siyang hiwalayan. Hindi ko masabi ito sa aking mga kaanak at kaibigan dahil nahihiya ako. Pagpayuhan po ninyo ako.
Loida
Dear Loida,
May mental disorder ang asawa mo. Sana, kapag sinasaktan ka niya ay ipa-blotter mo at kunan mo ng larawan ang mga pasa mo sa katawan bilang ebidensya ng pananakit niya sa iyo.
Tama lang na hiwalayan mo siya. Mabigat na cause for annulment ang panggugulpi ng lalaki. Dapat mo lang pangalagaan ang buhay na kaloob sa iyo ng Diyos.
Dr. Love