MANILA, Philippines — Magsasagawa ng imbestigasyon ang Senate Blue Ribbon Committee dahil sa pagtanggi ng Department of Health (DOH) na ilabas ang mga kontrata tungkol sa pagbili ng mga bakuna kontra COVID-19.
Sinabi ni committee chairman Sen. Francis Tolentino na magsasagawa sila ng moto propio o sarili nilang imbestigasyon sa Disyembre 14.
Ayon kay Tolentino, may karapatan ang taumbayan na malaman kung saan napunta at paano ginamit ang mga bakuna kaya suportado niya ang panawagan na i-audit ang mga biniling bakuna.
Dapat din umanong malaman ng kongreso kung paano ginamit ang pondo bilang bahagi ng paghahanda sa susunod na taong budget at ang Non-disclosure agreement (NDA) ay hindi sapat na rason para hindi magsagawa ng audit.
Binalaan naman ni Tolentino ang COA na “have to issue a notice of suspension and go through the process of notice of disallowance,” including the issuance of a subpoena to DOH, if they will not release the documents.”
Nauna nang sinabi ni DOH-OIC Maria Rosario Vergeire na maaari lang silang magbigay sa COA ng mga dokumentong may kaugnayan sa pagbili ng COVID-19 vaccines na nakasaad sa NDA ng mga suppliers.