MANILA, Philippines — Magtutuluy-tuloy ang ‘pandemic response’ ng Department of Health (DOH) sa kabila na wala pa ring naitatalagang bagong kalihim nito si Pangulong Ferdinand Marcos Jr.
Sinabi ni Health Undersecretary Maria Rosario Vergeire na nasa “status quo” ang DOH sa ngayon ngunit hindi nangangahulugan na mahihinto ang pagresponde nila kontra COVID-19.
“Our current pandemic response protocols continue to be implemented. Everything is status quo until new directives from our new President come in,” saad ni Vergeire.
Magtutuloy-tuloy umano ang kanilang programa sa pamamagitan ng mga “senior officials” ng kagawaran na namamahala sa iba’t ibang bureaus, opisina at mga units nito.
“We await and are ready for the announcement of the next Secretary of Health,” ayon pa kay Vergeire.