Pinas may mga kaso na ng ‘long COVID-19’
MANILA, Philippines — May natutukoy na sa bansa ng mga kaso ng “Long COVID,” o mga taong nakakaranas ng medium to long-term effects ng COVID-19 pagkatapos gumaling.
“Nag-uumpisa nang i-identify ‘yan dahil na-identify ito sa ibang bansa, ng WHO (World Health Organization), ng United Kingdom, ng US. Nag-uumpisa nang makakita ang ating mga doktor sa ospital ng mga cases niyan,” ani National Task Force Against COVID-19 adviser Dr. Ted Herbosa.
Ayon sa WHO, l0-20 porsiyento ng mga tao ang nakakaranas ng iba’t ibang epekto pagkatapos gumaling mula sa COVID-19.
Ang mga taong may long COVID ay nakakaramdam ng pagkapagod o fatigue, breathlessness o hirap sa paghinga at cognitive dysfunction (confusion, forgetfulness, or a lack of mental focus and clarity), dagdag pa ng WHO.
Ang ilan ay nakakaranas din ng mga psychological effect dahil sa post COVID-19 condition habang nagkakaroon din ng pamamaga ng puso at utak o brain fog.
“Binabantayan natin at ire-record, irerehistro, bibilangin at pag-aaralan natin para matukoy natin ang sitwasyon ng matagal na COVID sa Pilipinas,” aniya pa.
- Latest
