MANILA, Philippines — Matapos simulan ng gobyerno ang pagbibigay ng bakuna sa mga piling pharmacies sa National Capital Region, pinag-aaralan na ng Department of Labor and Employment (DOLE) ang pagbabakuna kontra COVID-19 sa mga opisina at iba pang lugar ng mga manggagawa.
Ayon kay Labor Undersecretary Benjo Santos Benavidez, mas mapapadali ang pagbabakuna sa mga empleyado kung gagawin ito sa lugar kung saan sila nagta-trabaho.
Sinabi ni Benavidez na nais nilang mas gawing accessible ang bakuna para sa mga manggagawa.
Kabilang ang mga manggagawa na wala pang bakuna sa unang naapektuhan ng kautusan na nagbabawal sa kanila na sumakay sa mga pampublikong transportasyon.
Nauna rito, sinabi ni Labor Secretary Silvestre Bello III na dapat exempted ang mga manggagawa na wala pang bakuna sa no vaccine, no ride policy ng gobyerno.