MANILA, Philippines — shield dahil epektibo itong proteksiyon laban sa Delta variant ng COVID-19.
Ipinaliwanag ni Salvaña na mas nakakahawa ang Delta variant na kilala dating India variant kaysa sa Alpha o UK variant kahit pa sa labas o outdoor.
“Well, ganito po iyan, sa pag-aaral ang Delta variant is 60% more transmissible than Alpha. Ano ba iyong Alpha? Iyong Alpha is UK variant which is already 60% more transmissible than the original virus. So, 60% plus 60% pa. So, halos 4 times po iyong puwedeng maging increase transmissibility nito and there is preliminary data that even outdoors increased ang transmission ng Delta variant by about 40%,” ani Salvaña.
Ayon pa kay Salvaña, isang extra layer ng proteksiyon ang pagsusuot ng face shiesd.
“So, para sa akin kahit pa sabihin nila na hindi na required ang face shield lalo na with the threat of this Delta variant, gagamit pa rin po talaga ako ng face shield, I will recommend it because it is an extra layer of protection,” ani Salvaña.
Nilinaw ni Salvaña na hindi niya ipipilit ang pagsusuot ng face shield pero mahigpit niyang inirerekomenda ang patuloy na paggamit nito kapag nakikipag-usap sa ibang tao.