MANILA, Philippines — Bumaba ng 13 percent ang arawang kaso ng COVID-19 sa Metro Manila.
Batay sa ulat ng OCTA Research team, may 829 kaso kada-araw ang naitatala sa NCR mula Hunyo 9 hanggang Hunyo 15.
Pumalo naman ang average daily attack rate (ADAR) ng 6 kada 100,000.
Umaabot sa 0.69 ang reproduction number, 8% ang positivity rate na may 35% hospital bed occupancy, 46% ICU bed occupancy at 33% mecha-nical ventilator occupancy na pawang nasa safe levels.
Nasa ilalim naman ng moderate risk ang Navotas, Marikina, Caloocan at Malabon.
Sa ngayon ay nasa general community quarantine “with some restrictions” ang Metro Manila at Bulacan hanggang June 30.