MANILA, Philippines — Isinusulong ni Sen. Nancy Binay na isama ang mga rehistradong dentista at medical technologist sa mga maaaring mag-injection ng bakuna kontra sa COVID-19.
Sa Senate Bill no. 2212 na inihain ni Binay, layon nito na amyendahan ang COVID-19 vaccination act of 2021 o Republic Act 11525 kung saan nakasaad dito na tanging mga pharmacist at mga midwife lamang ang pinapayagan ng makatulong ng mga doktor at mga nurse na magbakuna.
Iginiit ng Senador na dapat madagdagan ang mga health care professionals na tagapagbakuna para mapabilis ang vaccine rollout sa buong bansa.
Minamadali ang pagbabakuna para hindi abutan ng expiration ang mga bakuna at para agad na makuha ang herd immunity mula sa nasabing virus.
Inirekomenda rin ni Sen. Richard Gordon na ikonsidera rin na gawing vaccinator ang mga high school at college gra-duates.
Ayon kay Gordon maaari naman umano silang bigyang ng training at magbakuna sa ilalim ng medical personnel.