MANILA, Philippines — Isa sa pinag-aaralan ng DOH ang maaaring epekto ng magkaibang bakuna na naibigay sa una at ikalawang dose.
Sinabi ni Health undersecretary Maria Rosario Vergeire na nakipag-ugnayan na sila sa Department of Science and Technology at sa Vaccine Expert Panel para magsagawa ng pag-aaral ukol dito.
“Nakakita sila ng isang bansa na nag-aaral na nitong mixing and matching of vaccines and that would be in UK,” ayon kay Vergeire.
Handa naman umano ang DOH na maghintay ng resulta ng anumang pag-aaral ukol sa kumbinasyon ng mga bakuna hanggang sa magkaroon ng ebidensya na ligtas ito.
May inisyal nang pg-aaral ang VEP na nakatagpo ng ‘theoretical basis’. Ngunit dahil sa teorya pa lamang, kailangan pa rin ng dagdag na mga impormasyon at ebidensya.