Lapu-Lapu bida sa bagong P5,000 commemorative bill ng BSP

MANILA, Philippines — Bilang paggunita sa ika-500 taong anibersaryo ng pag-circumnavigate ng mundo at paggapi ng mga sinaunang Pilipino sa mga mananakop na Espanyol, inilabas ngayong araw ng Bangko Sentral ng Pilipino (BSP) sa limitadong bilang ang panibagong perang kikilala sa kabayanihan ni Lapu-Lapu.

Ngayong Lunes nang i-launch ito ng BSP, sa pakikipagtulungan ng National Historical Commission of the Philippines (NHCP), ang nasabihing salapi kasama ng isang silver commemorative medal sa Lungsod ng Maynila.

"The Bangko Sentral ng Pilipinas, through its monetary board, approved the production of 5,000-Piso commemorative, non-circulation, legal tender banknote and commemorative medal," ayon sa presentasyon ng BSP.

"The commemorative medal is made of 99.9% silver and weighs 31.1 grams."

Narito ang itsura ng bagong P5,000 commemorative bank note at commemorative medal ng @BangkoSentral na kanilang inilunsad ngayong Lunes.

Bida sa nasabing salapi ang bayaning si Lapu-Lapu at kanilang paggapi sa mga Espanyol sa "Battle of Mactan" noong 1521. @PhilstarNews pic.twitter.com/jkCjk6KEYO

— James Relativo (@james_relativo) January 18, 2021

"Legal tender" ang nasabing salapi at pwedeng gamitin pambayad. Gayunpaman, non-circulation ito o hindi paiikutin gaya ng karaniwang pera.

Kasama sa binibigyang pugay sa nasabing salapi ay ang pagpupunyagi ng mga sinaunang Pilipino sa "Battle of Mactan," ang "karakoa" na isang sinaunang barkong pandigmangmga Pinoy, Bundok Apo at ang Philippine Eagle.

"The launching of the P5,000 commemorative banknote and medal, which depicts the gallantry of Lapu-Lapu and the great warriors of Mactan, celebrates not only the climax of the first circumnavigation of the world, but also our pre-colonial past that serves as the foundation of our nation's glorious history," ani Executive Secretary Salvador Medialdea na dumalo sa pagtitipon.

"We would like to motivate our fellow Filipinos to embrace our past and have a better understanding of our evolution as a country from several fragmented chiefdoms into one single nation."

Karaniwang naglalabas ng commemorative cuirrency gaya ng papel na pera o barya ang BSP para "papurihan ang isang espisipikong tao, lugar o pangyayari" na nag-iwan ng marka sa kasaysayan ng Pilipinas.

Sa tuwing naglalabas ng baryang commemorative coins ang Pilipinas, karaniwang gumagamit ng mamahaling mga bakal gaya ng ginto o pilak — bagay na naghihiwalay sa kanila sa ibang pera ng bansa. — James Relativo