Duterte ‘dinisinfect’ ang kamay ng Chinese Foreign Minister
MANILA, Philippines — Tila dinisinfect muna ni Pangulong Rodrigo Duterte ang kamay ni Chinese Foreign Minister Wang Yi bago ito nakipagkamay nang mag-courtesy sa Malakanyang noong Sabado ng hapon.
Sa pagkikita ng dalawang lider, kitang-kita sa video na nag-sanitize muna si Duterte bago niya lagyan ng alcohol ang kamay ni Wang.
Ginawa rin ito ng Pangulo sa iba pang mga opisyal na kasama ng foreign minister.
Si Wang ay nasa bansa para sa dalawang araw na official visit at sa nasabing courtesy call ay nanawagan ang Pangulo ng pinalakas na kooperasyon sa China sa gitna ng pandemya.
Bukod dito, nangako rin ang Presidente na palalakasin ang pagbangon ng ekonomiya ng parehas na bansa na epekto ng pandemya.
Inihayag naman dito ni Wang na magbibigay ang China ng 500,000 COVID-19 vaccine sa Pilipinas.
Bago ito ay nakipagkita muna si Wang kay Foreign Affairs Secretary Teodoro Locsin Jr., para sa bilateral meeting na sinundan ng signing of the guest book bago makipagpulong kay Duterte.
- Latest