Pre-registration para sa National ID isasagawa
MANILA, Philippines — Target ng Department of the Interior and Local Government (DILG) na pagsapit ng taong 2022 ay nabigyan na ng pamahalaan ng national ID ang karamihan sa mga Pinoy.
Ayon kay DILG Undersecretary at Spokesperson Jonathan Malaya, plano nilang magsagawa ng pre-registration sa pagbibigay ng national ID upang maiwasan ang mass gathering at face-to-face contact sa mga tao lalo na ngayong panahong may banta pa ng COVID-19.
Sinabi ni Malaya na layunin ng national ID na magkaroon ang lahat ng valid proof of identification at hindi na magkaroon ng napakarami pang ID.
Alinsunod sa National ID system, pag-iisahin na ang mga government IDs at magkaroon ng single national identification system.
Kasama sa ilalagay sa ID ang PhilSys number, buong pangalan, facial image, kasarian, petsa ng kapanganakan, blood type, at address ng isang indibidwal.
- Latest
