Duterte papagitna kina Cayetano at Velasco
MANILA, Philippines — Inaasahang kakausapin ng personal ni Pangulong Rodrigo Duterte sina Speaker Alan Peter Cayetano at Marinduque Rep. Lord Allan Velasco tungkol sa isyu ng Speakership, ayon kay Presidential Spokesperson Harry Roque.
Bagaman at hindi tiyak ni Roque kung kailan magaganap ang pag-uusap, pero inalala nito na sa huling ulat sa bayan ng Pangulo sa Davao ay binanggit niya na posibleng kausapin ang dalawang mambabatas.
Sabi ni Roque, hindi rin niya masabi kung ngayong linggo magaganap ang pag-uusap bagaman at kinumpirma na nakabalik na sa Maynila ang Pangulo.
Maaari rin aniyang payagan si Roque na isiwalat ang magaganap na meeting sa mismong araw.
Ayon pa kay Roque, nag-iingat siya pagdating sa isyu ng speakership, pero gusto sana ng Pangulo na masunod kung ano ang napagkasunduan bagaman at aminado rin ito na kailangang suportado ng mga mambabatas si Velasco upang mapalitan si Cayetano.
- Latest
