MANILA, Philippines — Matutuloy ang plano ni Pangulong Rodrigo Duterte na armasan ang mga miyembro ng Bureau of Fire Protection, pagkukumpirma ni Interior Secretary Eduardo Año, Lunes.
Sabi ng Department of the Interior and Local Government, tinitignan nila ngayon ang halagang P800 milyon hanggang P900 milyon para makabili ng mga baril para sa mga kawani ng BFP.
Agosto 2019 nang sabihin ni Duterte na gusto niya itong gawin para makatulong ang firefighters sa pulis at militar na "maghabol at pumatay ng kaaway ng estado."
"Ang plano ng presidente na armasan ang BFP ay matutuloy. hayaan niyo kaming ipinal ang mga rekisitos at dokumento para makakuha kami ng kinakailangang pondo," sabi niya habang nanunumpa ang bagong direktor ng BF na si Jose Segundo Embang sa Inggles.
"Siyempre, ang primaryang trabaho nila ay pumatay ng apoy at emergency response, pero magandang armado ang BFP sa tuwing gumagawa sila ng misyon."
Nais din daw nilang pabilisin ang bidding at procurement process upang tuluyan nang mabigyan ng baril ang 29,000 miyembro ng BFP ngayong taon.
Sinabi naman ni Embang na suportado niya ang plano, lalo na't nagbabago ang stiwasyon ng bansa pagdating sa kapayapaan at seguridad. — James Relativo at may mga ulat mula kay The STAR/Romina Cabrera