MANILA, Philippines – Dapat pagbawalan nang tumakbo o tumanggap ng anumang government posts sina detained Sen. Leila de Lima at ex-sen. Mar Roxas dahil sa iregularidad sa Implementing Rules and Regulations (IRR) ng Good Conduct Time Allowance (GCTA) law.
Sinabi ni dating Senate President Juan Ponce Enrile, hindi sana magkakaroon ng kalituhan sa probisyon ng RA 10592 o GCTA Law kung inilagay sa IRR ang nakasaad sa section 1 ng batas na hindi kwalipikado na mapalaya sa pamamagitan ng GCTA ang mga heinous crime convicts.
“They should be disqualified forever for holding public office,” giit ni Enrile na Senate president nang malagdaan ang GCTA law noong 2013.
“Sila ang may kasalanan, sila ang gumawa eh (They are the ones at fault since they are the ones who made it). The people who are below there are [just] being guided. They are the Cabinet members. They should hold their mistakes,” wika ni Enrile.
Ang IRR ng GCTA Law ay nilagdaan nina De Lima at Roxas bilang mga kalihim noon ng DOJ at DILG.
Wika pa ni Enrile, labag sa Konstitusyon, non-existent at void ab initio (from the beginning) ang hindi paglalagay sa IRR na hindi dapat kasama sa mabigyan ng GCTA ang mga heinous crime convicts.