MANILA, Philippines — Suspendido ang nalalabing klase at trabaho ngayong Biyernes kasunod ng magnitude 5.3 na lindol na naramdaman sa iba't ibang bahagi ng Luzon ngayong hapon.
Ilan sa mga klaseng kinansela ngayong ika-13 ng Setyembre ay mula sa:
- University of Santo Tomas
- De La Salle University (Manila, Makati at BGC)
- Polytechnic University of the Philippines (lahat ng kampus sa National Capital Region)
- lahat ng klase sa Valenzuela
#EarthquakePH | Sinuspinde na ang klase at trabaho sa ilang pamantasan sa Metro Manila bilang safety precaution matapos ang lindol. #WalangPasok pic.twitter.com/kM0ldQqo6a
— News5 AKSYON (@News5AKSYON) September 13, 2019
"As a safety precaution in light of the eathquake felt earlier today, classes in all levels and office work in the University of Santo Tomas are suspended today effective IMMEDIATELY," ayon sa office of the secretary-general ng pamantasan.
Nagsimula ring isara ng DLSU ang kanilang kampus sa iba't ibang bahagi ng Kamaynilaan pasado 4:30 p.m.
Saklaw naman ng mga suspensyon sa Valenzuela ang pribado't pampublikong mga paaralan.
Unang naibalita na magnitude 5.5 ang lindol ngunit ibinaba rin ng Phivolcs.
Naitala na rin ang mga aftershocks at inaasahan ang ilang pinsala mula sa pagyanig. — may mga ulat mula sa News5 at The STAR