MANILA, Philippines — Pormal nang naging bagyo ang sama ng panahon na namumuo sa Aparri, Cagayan, ayon sa huling ulat ng Philippine Atmospheric, Geophysical and Astronomical Services Administration, Martes ng hapon.
Mula sa pagiging low pressure area, idineklara na ito bilang "tropical depression" ng Pagasa pasado alas-dos ng hapon.
Tinawag na bilang "Dodong" ng naturang ahensya ang nasabing sama ng panahon.
At 2:00 PM today, the Low Pressure Area east of Aparri, Cagayan has developed into Tropical Depression #DodongPH. PAGASA-DOST will issue a Severe Weather Bulletin-Alert at 5 PM today.
— PAGASA-DOST (@dost_pagasa) June 25, 2019
Nakatakda namang maglabas ng Severe Weather Bulletin alert ang Pagasa-Department of Science and Tecnology mamayang alas-singko.
Namataan kaninang alas-siete ng umaga ang dating LPA 470 kilometro silangan ng Aparri, Cagayan.
Una nang sinabi kanina ng Pagasa na posible itong maging tropical depression sa loob ng 48 oras.