MANILA, Philippines — Personal na sinalubong ni Foreign Affairs Secretary Teodoro L. Locsin Jr., ang tatlong Filipino civil engineers na dinukot ng mga armadong rebelde at ginawang hostage sa Libya noong Hulyo 2018, matapos itong dumating sa Ninoy Aquino Intenational Airport (NAIA) Teminal 2 sa Pasay City, kahapon.
Ang mga Pinoy na hindi pinangalanan sa pangamba ng seguridad ay sinamahan ni Ambassador to the United Arab Emirates (UAE) Hjayceelyn M. Quintana, sakay ng eroplano ng PAL flight PR 0659.
Hulyo 2018 nang dukutin ang tatlong Pinoy kasama ang isang South Korean national ng hindi pa batid na armadong grupo sa kanilang project site sa Great Man-Made River sa may katimugang bahagi ng Libya ng mga hindi kilalang mga armadong grupo.
Lubos namang pinasalamatan ng DFA ang naging tulong ng United Arab Emirates, Libya, South Korea at iba pang mga kaalyadong bansa na namuno upang mapalaya ang mga biktima. (Lordeth Bonilla)