Pimentel bumaba, Sotto umangat bilang Senate President
MANILA, Philippines – Tuluyan nang naging Senate President si Sen. Vicente “Tito” Sotto III ngayong Lunes kasunod ng pagbaba sa pwesto ni Sen. Aquilino “Koko” Pimentel III.
Nanumpa si Sotto kay Sen. Gringo Honasan kung saan pinagtibay ito ng paglagda ng mayorya ng Senado na sumusuporta sa dating TV host.
Mismong si Pimentel ang nagnomina kay Sotto na matagal nang miyembro ng Senado.
Pinasalamatan ni Sotto ang kaniyang mga kasamahan sa Senado sa pagtitiwala sa kaniya na pamunuan ang mataas na kapulungan.
Nangako siya na maghahain ng mga batas na para sa ikabubuti ng mga Pilipino.
Si Sen. Miguel Zubiri naman ang uupo sa nabakanteng pwesto ni Sotto bilang Senate Majority floor leader.
Bumaba sa pwesto si Pimentel bilang paghahanda sa kaniyang muling pagtakbo sa darating na 2019 midterm elections.
- Latest