MANILA, Philippines — Muling nagpatupad ng panibagong pagtaas sa presyo ng produktong petrolyo ang ilang kumpanya ng langis na epektibo ngayong Martes, Setyembre 26.
Sa abiso ng kahapon ng PTT Philippines, tumaas ng halagang P0.45 kada litro ang diesel at epektibo ito ng alas-6:00 ngayong umaga.
Nagtaas din ng presyo ng kanilang diesel ang Sea Oil at Petron na may kahalintulad ang halaga, samantalang tumaas din ng halagang P0.65 kada litro ang kanilang keresone.
Inaasahang mag-aanunsiyo na rin ang iba pang kumpanya ng langis ng taas presyo ng kanilang diesel, na may kahalintulad ang halaga.
Ang panibagong taas presyo sa diesel ay bunsod pa rin ng paggalaw ng presyuhan nito sa pandaigdigang pamilihan. Matatandaan, nitong nakaraang linggo ay walang paggalaw sa presyo ng produktong petrolyo at ang huling pagtaas ay nitong nakaraang Setyembre 12.