MANILA, Philippines - Napanatili ni Pangulong Duterte ang mataas na trust rating matapos itong makakuha ng excellent trust rating sa pinakahuling survey ng Social Weather Station.
Nakakuha ng net 70 percent na trust ratings si Pangulong Duterte sa 1st quarter survey ng SWS.
Halos parehas ito sa December 2016 survey kung saan ay nakakuha ng 72% trust rating si Duterte.
Isinagawa ang non-commissioned survey ng SWS mula March 25-28 sa 1,200 adult respondents.
“His net trust rating has been excellent for four consecutive quarters, considering the deeply entrenched culture of illegal drugs, criminality and corruption,” wika naman ni Presidential Spokesman Ernesto Abella.
“The resistance to change in Philippine society has been breached by President Duterte; with him we are assured that the interests of the Filipino people come first and last,” dagdag pa ni Abella.