MANILA, Philippines - Bibisitahin ni Pangulong Duterte ang Russia upang makaharap nito si Russian President Vladimir Putin sa Mayo.
Inanunsiyo ni Pangulong Duterte sa kanyang mensahe sa Cebu kamakalawa na dadalawin niya ang Russia sa darating na Mayo 25.
Inimbitahan si Duterte ni Putin para sa isang state visit sa Russia hanggang sa magdesisyon ang Pangulo na tanggapin ang imbitasyon nito.
Unang nagkita sina Duterte at Putin sa APEC Summit na ginanap noong nakaraang taon sa Peru kung saan ay doon siya inimbitahan ng Russian leader na dumalaw sa Moscow.
Bago ang Russia ay nakatakdang bisitahin muna ni Pangulong Duterte sa buwang ito ang Myanmar at Thailand.