MANILA, Philippines - Kalaboso ang dalawang holdaper matapos nilang holdapin ang isang Indian national, dakong alas-10:20 ng umaga kamakalawa sa Taguig City.
Nakakulong ngayon sa Taguig City Police detention cell ang mga suspect na sina Leoppel De Dios, 22 at Glenn Resado, 35, kapwa taga Brgy. Tanyag ng naturang siyudad.
Ang biktima naman ay nakilalang si Amavir Singh Brar, 39, residente ng #26 Dreamland, Brgy. Signal ng naturang lungsod.
Nakasakay ang biktima ng kanyang minamanehong motorsiklo nang bigla umanong sumulpot ang mga suspect at tinutukan ang biktima ng patalim at isinagawa ang panghoholdap.
Nakuha sa biktima ang halagang P11,000 matapos na tumakas ang mga suspek.
Nadakip ang mga suspek pagkaraang tugisin ang mga ito ng mga awtoridad.
Ang mga suspect ay sinampahan ng kasong Robbery-Hold-up at Illegal Possession of Deadly Weapon sa Taguig City Prosecutor’s Office.