Mamasapano probe tatapusin ni Morales
MANILA, Philippines – Nangako kahapon si Ombudsman Conchita Carpio-Morales na tatapusin niya ang imbestigasyon sa kontrobersyal na Mamasapano incident bago lisanin ang puwesto sa 2018.
May mahigit 60 katao ang nasawi sa madugong sagupaan sa pagitan ng mga elemento PNP-Special Action Force (SAF), Moro Islamic Liberation Front at Bangsamoro Islamic Freedom Fighters sa Mamasapano, Maguindanao noong January 25, 2015.
Makaraang tumanggap ng Tandang Sora Award kahapon para ngayong taon mula sa QC government ay sinabi ni Morales na wala siyang tiyak na araw pero kukumpletuhin ang imbestigasyon sa Mamasapano bago umalis sa tungkulin.
“Matagal pa ‘yun. One and a half years. So ‘wag mong sabihing it will take me one and a half years to conduct an investigation. Hindi naman siguro,” dagdag ni Morales.
Noong July 2015, inaprubahan ni Morales ang preliminary investigation proceedings laban kay PNP chief Dir. Gen. Alan Purisima, ex-SAF chief Police Director Getulio Napeñas Jr. at siyam na iba pang police officials na responsable sa naturang sagupaan.
Sa kasong ito, nairekomenda na ng Ombudsman Field Investigation Office (FIO) na kasuhan ng grave misconduct at graft sina Purisima, Napeñas at SAF Intelligence Group Director Senior Supt. Fernando Mendez.
- Latest
