MANILA, Philippines – Itinalaga kahapon ni Pangulong Rodrigo Duterte si Lt. Gen. Eduardo Año bilang bagong Armed Forces of the Philippines (AFP) chief of staff sa ginanap na change of command sa Camp Aguinaldo kahapon.
Pinalitan ni Año si AFP chief Gen. Ricardo Visaya na nagretiro na kahapon. Mistah ni Visaya sa PMA Class of 1983 si Año na kasalukuyang Army chief.
Inirekomenda naman ng board of generals na ipalit na Army chief si Lt. Gen. Glorioso Miranda.
Halos 10 buwan lamang maglilingkod bilang AFP chief si Gen. Año dahil nakatakdang magretiro ito sa ?October 26, 2017.
Naging kontrobersyal si Año dahil naugnay ito sa pagkawala ng aktibistang si Jonas Burgos na anak ni press freedom fighter Joe Burgos noong 2006.
Samantala, plano ni Pangulong Duterte na italaga si Gen. Visaya bilang kalihim ng Department of National Defense (DND) kapalit ni Defense Sec. Delfin Lorenzana.
Kabilang din sa mga dignitaries sina Chinese Ambassador Zhao Jian Hua (kaliwa) at US Ambassador Sung Kim. BOY SANTOS