MANILA, Philippines – May 50 porsiyento ng mga Pinoy ang nagsasabing sila ay mahirap pa rin.
Ito ay batay sa latest survey na ginawa ng Social Weather Stations (SWS) nitong December 5-8 ng nagdaang taon sa may 1,200 respondents.
Karamihan sa mga pamilyang nagsasabing sila ay mahirap pa rin ay mula sa Mindanao na umabot sa 70 percent, 67 percent naman sa Visayas at 54 percent sa Luzon.
Ito ang pinakamababang naitalang self-rated poverty rate sa nakalipas na apat na taon, ayon sa SWS.
May 33 percent naman ng mga natanong ang nagsabing maikokonsedera nilang pang mahirap ang kanilang pagkain noong nagdaang 4th quarter ng 2015.
Ang lumabas na survey ay sa kabila ng patuloy na paglalaan ng DSWD ng pagkaing ayuda sa mga mahihirap na mamamayan.