MANILA, Philippines – Hinikayat kahapon ng Malacañang ang mga mamamayan na tingnan ang mga nagawang mabuti ng administrasyon sa loob ng anim na taon.
Sa isang pahayag ni deputy presidential spokesperson Abigail Valte, sinabi nito na puwedeng silipin ang website na http://www.gov.ph/featured/daang-matuwid kung saan umano makikita ang mga nagawa ng administrasyon ni Pangulong Noynoy Aquino.
“On this note, we invite everyone to view and share the year-end feature on the major achievements of and by a Filipino nation united under the banner of Daang Matuwid,” ani Valte sa statement.
Wika niya na ang pasimula ng taong 2016 ay nangangahulugan ng panibagong chapter sa buhay ng mga Filipino.
Naniniwala si Valte na nananatili pa ring positibo ang panananaw ng mga Filipino base na rin aniya sa mga nagdaang survey na isinagawa ng Pulse Asia at SWS.
Sana aniya ay magpatuloy ang positibong pananaw kahit pa matapos ang nalalabing anim na buwan ng kasalukuyang administrasyon.