MANILA, Philippines - Matapos ang apat na taong pagtatago, nadaÂkip na rin ng pulisya ang itinuturing na number 7 most wanted criminal na may mga kasong murder at qualified carnapping sa Muntinlupa City, kamakalawa ng hapon.
Sa report na tinanggap ni Police Supt. Ruvenar Ecalner, hepe ng Muntinlupa City Police, kinilala ang nadakip na si Lloyd Robin Montecillo, alyas Doremon , 19, nakatira sa Sitio Pinac, Brgy. San Antonio, Bay, Laguna.
Ayon sa Warrant Section ng Muntinlupa City Police, alas-5:00 ng hapon ng madakip si Montecillo sa bisa ng warrant of arrest na inisyu ni Judge Loribel Lacap, ng Muntinlupa City Regional Trial Court, Branch 207.
Base sa rekord ng pulisya, nabatid na noong Oktubre 14, 2010 pinatay sa saksak ni Montecillo ang biktimang si Gerald Uding sa Sunren Garden, NBP Compound, Brgy. Poblacion, Muntinlupa City.
Matapos isagawa ni Montecillo ang pagpatay ay mabilis itong tumakas at halos apat na taon itong nagtago sa mga alagad ng batas at namalagi ito sa Laguna.
Bukod sa kasong murder na kinakaharap nito, nahaharap din ang akusado sa kasong qualified carnapping.