Overloaded ug nag overspeeding ang nabalitok nga V-hire sa CCLEX

CEBU, Philippines — Dunay nakitang mga lapso ug kalapasan ang Land Transportation Franchising and Regulatory Board Central Visayas ug Land Transportation Office-7 nga nahimo sa drayber sa van for hire nga nibalitok sa Cebu Cordova Link Expressway kon CCLEX niadtong adlaw nga Sabado.

Matud pa sa mga opisyal sa maong mga ahensiya, overloadead ug nag-over speeding  maong V-hire maong naaksidente kini.

Matud pa ni LTFRB-7 Director Eduardo Montealto, gisuspenso na sa LTFRB sud sa 30 ka adlaw ang operasyon sa van for hire nga naaksidente ug gipadad-an na usab nila og show cause order ang kooperatiba diin nasakop ang maong V-hire.

Duha ka kinabuhi ang matud pa nakalas ug daghang naangol sa maong aksidente.

Base sa kuha sa dashcam video nga nakita sa LTFRB kusog matud pa kaayo ang dagan niini ug sayop usab nga lane ang giagian niini sa pag overtake sa nag-una nga sakyanan.

Matud pa ni Montealto, overloaded sa pasahero ang van nga unta napulo ta ang sitting capacity niini.

Gidugang ni Montealto nga responsibilidad sa kooperatiba ug operator ang pagsiguro nga luwas pa mobiyahe sa karsada ang mga sakyanan.

Samtang nagpahigayon na usab og imbestigasyon ang LTO-7, sumala pa ni Director Glen Galario may kalabutan sa maong insidente.

Ang duha ka mga ahensya nanawagan sa mga nagmaneho og sa mga pasahero nga mag amping aron dili mosangpot sa aksidente. (BANAT NEWS)