Budget ng pamilya

Sa pagpapatupad ng advance quarantine sa buong Luzon ay mas nauuna ang reklamo at tanong ng ibang tao. Hindi naman masisi ang mga Pinoy na nag-aalala nga kung paano o hanggang kailan ang problemang kinakaharap ng bansa. Paano kakain? Paano na susuweldo? Baka mahawa sa sakit? Tama naman ang isyu, pero huwag nang dagdagan pa ang inyong stress at takot. Kaso sinasagot din ng ilan ang kanilang tanong na gaya ng kapag nagutom daw ay sino ang mag-aabot ng mga pagkain? Baka raw ibulsa lang ng mga baranggay officials. At ibang pang mga reklamong naglalaro sa kanilang isipan.

Ang payo ng mga experts, huwag i-entertain ang mga “garbage assumption” o walang kuwentang pag-iisip. Huwag sayangin ang oras na mag-isip ng bagay na magpapahinto ng iyong mundo. 

Bakit hindi muna na­ting problemahin ang kasalukuyan at magpasa­lamat na may ginagawa ang gobyerno na mapigilan ang pagkalat ng coronavirus.

Ang dapat na hakbang ay magkaroon ng meeting ang pamilya ng mga dapat gawin kung paano magtitipid para mapagkasya ang budget kung hanggang kailan mairaraos ang problema ng bansa.