Insecurity ni Misis na Kailangan Malaman ni Mister

Ang totoong intimacy ay nagsisimula kapag naiintindihan ang iyong misis.

Ano ba talaga ang pangangailangan ng mga babae? Kapag alam ng mga lalaki ang needs ng mga asawa ay mas madaling maayos ang relasyon. May desire ang mga babae na hindi lang basta feeing nila, kundi ito ay logical sa kanilang paningin na kailangang malaman ng mga men.

Tulad na gusto ng mga babae ang maramdaman na sila ay minamahal. Mara­ming babae ang insecure patungkol sa love ng kanilang mga partners. Kailangan i-assure sa babae na love sila. Lalo na sa mga panahon ng pagtatalo, na ipaalam sa kanila na love mo si darling na kahit ano pa ang mangyari at lahat ay magiging maayos din. Kapag upset ang babae, hindi nito kailangan ng space. Bagkus ay yakap, hawakan, at haplos na may pagmamahal. Gusto ng mga babae na hinahabol sila kung paano ginawa noong nililigawan pa ito bago kayo ikasal.

Ang totoo, kahit ilang taon nang nagsasama ay kailangan pa rin na niligawan ang mga misis. Pinagbubuksan pa rin ng pinto. Dini-date kahit minsan sa isang linggo. Gusto ng mga babae na magkaroon ng security. Ang pagbibigay ng financial na security ay mahalaga, pero pangalawa rito ang emotional na kasiguraduhan. Iniisip din ng maybahay ang budget, bayarin, tuition, pero higit sa lahat ang pagkakaroon ng emotional na connection sa kanyang mister. Kahit ano pa ang mangyari na siyang mahalaga sa mga misis.