Paglalagay ng Margin sa Buhay

Mahalaga ang quality ng kalusugan at lifestyle ng indibidwal sa pamamagitan ng paglalagay ng margin sa tamang oras, pera, o mga bagay na nagiging hadlang para sa productivity, stability, at intergrity. Ang margin ay magsisilbing linya para sa kalendaryo na mag-reserve ng time para magpahinga, makapag-isa, makapagmuni-muni, at makasama ang pamilya. Magkaroon ng margin na mamuhay ng simple at magbago ng lifestyle kung kailangan. Magpokus sa trabaho at tanggalin ang distraction na hindi nakatutulong.

Ang margin ay regalo habang tinatahak ang mga bagay na gustong makamtan gaya ng status o comfort sa buhay. Kung maglalagay ng boundary ay mas mabibigyan ng halaga ang relasyon, restoration, joy, at peace na may positibong impact sa health at produktibong buhay.

Kung gustong magkaroon ng positibong impact sa ibang tao, kailangang pahalagahan muna ang sarili. Paano nga ba maglagay ng margin sa buhay? Anong areas ng buhay na mayroong extreme na activities na kumakain ng iyong oras? Sa halip ay pilit na inaabot ang standard ng mundo kung paano magpasikat sa iba. Ano nga ba ang mahalaga o measurable na puwedeng baguhin sa buhay upang simpleng mamuhay lamang na hindi napapabayaan ang sarili at pamilya.