Sukatan na matagumpay ang OFW
Kapag iniwan ang ‘Pinas para magtrabaho sa ibang bansa, kailangan ay mayroon agad na objectives bilang goals na gustong matupad. Ang target ay magkaroon ng malaking suweldo at mag-ipon ng pera para pagbalik muli sa ‘Pinas ay may maipupundar para sa pamilya. Ang nakalulungkot, malayo ito sa katotohanan bilang overseas Filipino workers dahil nagiging komplikado hindi lamang sa OFW at maging sa mga miyembro ng pamilya na naiiwan sa bansa.
Karamihan sa mga Pinoy workers sa ibang bansa na kahit ilang taon nang nasa abroad, pero masaklap ay walang laman ang kanilang pitaka pag-uwi sa ‘Pinas. Hindi maisip kung bakit ba hindi man lang nakaipon ng pera hanggang makabalik sa kanilang pamilya sa bayan ni Juan. Tandaan, maaaring mayroong mataas na suweldo, pero hindi ito garantiya na makakapag-save ng pera, lalo na kung hindi pipilitin ang sarili na magtipid at maging wise sa iyong suweldo.
Ang matagumpay na OFW, nakasalalay hindi lamang kung nagpo-provide nang sapat na pangangailangan ng pamilya, bagkus ay nagkakaroon din ng pangkabuhayan na magbibigay ng kita kapag dumating na ang oras na tapos na ang kanyang kontrata.
- Latest